About
ບໍລິສັດເຮົາຜະລິດ ແລະ ຈໍາໜ່າຍຜະລິດຕະພັນໄມ້ອັດ(LVL): ໄມ້ໂຄງສ້າງ, ຮູບແບບໄມ້ເຟີນິເຈີ ແລະ ຜະລິດຕາມລາຍການແບບທີ່ລູກຄ້າຕ້ອງການ ຕາມມາດຕະຖານ AS/NZS 20982. ເຊິ່ງເປັນຜະລິດຕະພັນທໍາອິດທີ່ຜະລິດຢູ່ໃນລາວທີ່ເໝາະສົມກັບວຽກງານຕ່າງໆທີ່ໃຊ້ໄມ້ອັດເຊັ່ນ: ວຽກໂຄງການກໍ່ສ້າງຕຶກອາຄານ, ວຽກງານເຟີນີເຈີ, ວຽກງານຕົບແຕ່ງພາຍໃນ ແລະ ພາຍນອກດ້ວຍໄມ້ອັດເປັນຕົ້ນ.
ບໍລິສັດ ພີເອັມແອວ ອິສບີມ ອຸດສາຫະກໍາ ຈໍາກັດຜູ້ດຽວ ເປັນບໍລິສັດຜະລິດໄມ້ອັດຈາກໄມ້ສວນປູກ, ໄມ້ໂຄງສ້າງ ຫຼື ໄມ້ອັດເສັ້ນ, ມີສວນປູກຂອງຕົນເອງເພື່ອຜະລິດໄມ້ອັດສົ່ງອອກຂາຍພາຍໃນ ແລະ ພາຍນອກ.
ການອອກແບບຜະລິດຕະພັນໄມ້ອັດຂອງບໍລິສັດແມ່ນໄດ້ອອກແບບພິເສດ ແລະ ເປັນຜະລິດຕະພັນອັດໄມ້ບາງເປັນໄມ້ (LVL) ແມ່ນຜະລິດຕະພັນໂຄງສ້າງທີ່ເຮັດຈາກໄມ້ອັດ ແລະ ໃຊ້ໃນການຕົບແຕ່ງພາຍໃນ ແລະ ພາຍນອກ ຖືກນໍາໃຊ້ເຂົ້າໃນທຸກໆການກໍ່ສ້າງ ແລະ ການສ້ອມແປງຄືນໃໝ່ ຈຸດປະສົງຫຼັກໆຂອງການຜະລິດປະກອບມີ: ແຫວນຮອງຊັ້ນ, ເສົາຄານ, ບານປະຕູ, ບານປ່ອງຢ້ຽມ. ທີ່ສໍາຄັນເປັນໄມ້ທີ່ມີຄຸນນະພາບສູງ, ລາຄາບໍ່ແພງ, ສະດວກສະບາຍໃນການນໍາໃຊ້, ສາມາດມ້າງ ແລະ ນໍາໄປໃຊ້ກໍ່ສ້າງສະຖານທີ່ໃໝ່ໄດ້. ທີ່ສໍາຄັນແມ່ນ ເປັນຜະລິດຕະພັນທໍາອິດທີ່ຜະລິດຢູ່ໃນລາວ.
ກ່ຽວກັບບໍລິສັດ
ຕົ້ນເດືອນ ເມສາ 2019 ບໍລິສັດ ພີເອັມແອວ ໄດ້ເລີ່ມມີການຄົ້ນຄວ້າກ່ຽວກັບຜະລິດຕະພັນໄມ້ ອັດໄມ້ບາງເປັນໄມ້ເສັ້ນ(LVL) ເລີ່ມສຶກສາຂໍ້ມູນເບື້ອງຕົ້ນກ່ຽວກັບໄມ້ອັດຢູ່ໃນລາວ ແລະ ໄດ້ນໍາໄມ້ມາຈາກສວນປູກ(ໄມ້ວິກ) ນໍາມາທົດລອງທີ່ຫ້ອງທົດລອງ ຄະນະວິທະຍາສາດປ່າໄມ້, ມະຫາວິທະຍາໄລແຫ່ງຊາດ ເຊິ່ງມີຊ່ຽວຊານຈາກຄະນະວິທະຍາສາດປ່າໄມ້ ແລະ ຊ່ຽວຊານຈາກມະຫາວິທະຍາໄລເມວເບິ້ນ(ປະເທດອົດສຕຣາລີ) ໃຫ້ຄໍາແນະນໍາໃນການສຶກສາຄົ້ນຄວ້າຄັ້ງນີ້. ໄລຍະການຄົ້ນຄວ້າ 6 ເດືອນ ແລະ ຫຼັງຈາກນັ້ນພົບວ່າ ຜະລິດຕະພັນນີ້ບໍ່ເຄີຍຜະລິດຢູ່ໃນລາວມາກ່ອນ. ຫຼັງຈາກມີການຄົ້ນຄວ້າຢູ່ພາຍໃນປະເທດລາວ ກໍ່ໄດ້ເລີ່ມສ້າງຕັ້ງໂຮງງານຂຶ້ນ ໃນເດືອນ ກັນຍາ 2020. ຫຼັງຈາກນັ້ນທີມງານກໍ່ໄດ້ໄປສຶກສາຄົ້ນຄວ້າກ່ຽວກັບໄມ້ອັດທີ່ປະເທດອົດສະຕຣາລີ ເປັນໄລຍະເວລາ 1 ເດືອນຄື: ເຂົ້າຮ່ວມເຝິກອົບຮົມການນໍາໃຊ້ເຄື່ອງມືຕ່າງໆໃນໂຮງງານ, ການທົດລອງນໍາໃຊ້ກາວ, ລົງສຶກສາຂໍ້ມູນຈາກມະຫາວິທະຍາໄລ Queensland ເຂົ້າຮ່ວມສໍາຫຼວດການທົດລອງການນໍາໃຊ້ກົນຈັກ ແລະ ຫ້ອງທົດລອງທີ່ນໍາໃຊ້ໄຟ, ລົງຢ້ຽມຢາມຜະລິດຕະພັນໄມ້ Australia (EWPAA) ແມ່ນສະມາຄົມສໍາລັບຜູ້ຜະລິດ.
Policy Scope Objective Of QMS
